Сказы з рознымі відамі сувязі частак, знакі прыпынку
Меню
иконка учебника «Беларуская мова. 11 клас» (аўтары: Г. М. Валочка і інш.), 2021 § 14 
←
→

Ведаць:

  • сінтаксічныя прыметы складаных сказаў з рознымі відамі сувязі частак
  • правілы пастаноўкі знакаў прыпынку ў складаных сказах з рознымі відамі сувязі частак

Умець:

  • вызначаць складаныя сказы з рознымі відамі сувязі частак, правільна вызначаць колькасць сэнсава-граматычных частак і віды сувязі паміж імі
  • правільна пунктуацыйна афармляць складаныя сказы з рознымі відамі сувязі частак на пісьме
  • вызначаць парушэнні пунктуацыйных норм у сказах, выпраўляць іх

Дадатковыя
матэрыялы

1. У складаным сказе з рознымі відамі сувязі частак па сэнсавай цэласнасці можна вылучыць дзве часткі.

2.Адзначце складаныя сказы з рознымі відамі сувязі частак:

Бацька шкадаваў, што няма маці дома ў такі цяжкі час, але спадзяваўся, што яна хутка прыйдзе.
І бацька моўкне і чакае, што скажа дзядзька або маці, і ціха стала ўраз у хаце.
Час зараз такі, што, калі сёння не паспееш зрабіць справу, заўтра аб ёй не трэба нават успамінаць.
Святлее зямля – святлее душа чалавека, чысцеюць думкі.
Мы ішлі па мяжы, і, хоць на ёй было вузка, дзед вёў мяне за руку.

3.Што ўяўляе сабой у складаным сказе з рознымі відамі сувязі частак другая сэнсавая частка па граматычнай будове?
Баючыся спалохаць птахаў, я запаволіў крок: мяне цікавіла, што яны будуць рабіць, дзе няма ні вады, ні іх прысмакаў.

4.Адзначце прапушчаныя ў сказе знакі прыпынку:
Вялікая колькасць музычных твораў розных жанраў сведчыць, што многія кампазітары-лірыкі пры стварэнні вобразаў прыроды сродкамі музыкі вельмі часта звяртаюцца да вершаў і гэта заканамерна паэзія здольна лепш раскрыць задуму кампазітара, змест музычнага твора, пашырыць вобразную прастору твора і даць яму эмацыянальны імпульс.

Кропка з коскай
Працяжнік
Коска
Дужкі
Двукроп’е

5.Адзначце сцверджанні, якія адпавядаюць складанаму сказу з рознымі відамі сувязі частак:
Анатоль з задавальненнем слухаў спевы розных лясных птушак і калі яго слых нечакана патрывожыла вухканне балотнага бугая, ён са здзіўленнем адзначыў дзень неяк вельмі хутка скончыўся.

Паміж часткамі прапушчаны тры коскі
Паміж часткамі прапушчана двукроп’е
Паміж часткамі прапушчаны працяжнік
Паміж часткамі прапушчаны дзве коскі
Паміж часткамі прапушчана толькі адна коска

6.Адзначце схему, якая адпавядае прыведзенаму сказу (улічыце, што знакі прыпынку паміж часткамі не пастаўлены):
Хутка, паверце, ад песні жаўруковай далі зазвіняць і салоўка вясёлы завядзе непаўторныя трэлі павінны ж птушачкі сваімі спевамі новы дзень прывітаць.

7.Адзначце сцверджанні, якія адпавядаюць наступнаму сказу:
Да народнага календара, што спрадвеку вядзецца ў кожнага народа мы ставімся з вялікай пашанай і гэта зразумела: у ім фіксуюцца назіранні, якія правяраюцца часам.

Сказ з’яўляецца складаным з рознымі відамі сувязі частак
У сказе няправільна пастаўлена двукроп’е
У сказе не хапае дзвюх косак
У сказе пастаўлены ўсе неабходныя знакі прыпынку
У сказе не хапае толькі адной коскі

8.Запішыце (сімвалам), які знак прыпынку прапушчаны ў прапанаваным сказе:
Кожны год у маім агародчыку цвітуць маргарыткі, вяргіні, астры і абавязкова расце жыватворны дзівасіл духмяная гарбата з ім дае сілу і здароўе.
Адказ:

Правільны адказ: :