Чарадзейная сіла мастацтва. Якуб Колас. «У яго быў свет цікавы…» (урывак з паэмы «Сымон-музыка»)

1.Адзначце правільнае сцверджанне:

Мастацтва – спосаб адлюстравання рэчаіснасці па законах мастацкай творчасці.

Мастацтва – адлюстраванне рэчаіснасці ў мастацкіх вобразах.

Мастацтва – гэта толькі літаратурныя творы

2.Адзначце, які від мастацтва з’яўляецца ўніверсальным:

Жывапіс – універсальны від мастацтва. Усё ў прыродзе мае колер, таму з дапамогай фарбы і ліній можна перадаць у творах жывапісу ўсе пачуцці і эмоцыі.

Музыка – універсальны від мастацтва, бо гук і мелодыя – сродкі, з дапамогай якіх яна ўздзейнічае на пачуцці чалавека.

Літаратура – універсальны від мастацтва. Вобразы і сюжэты мастацкіх твораў становяцца асновай для стварэння музычных твораў, твораў жывапісу і інш.

3.Адзначце ролю вымыслу (фантазіі) ў мастацкім творы:

Вялікая роля адводзіцца мастацкаму вымыслу толькі ў час напісання прыгодніцкіх твораў.

Вымысел (фантазія) не адыгрывае вялікай ролі ў мастацтве.

Без мастацкага вымыслу не існавала б літаратуры, бо аўтары часта фантазіруюць, выдумляюць і сваіх герояў, і тое, што з імі адбывалася.

4.Адзначце, з якой паэмы Якуба Коласа ўзяты ўрывак «У яго быў свет цікавы...»:

«Курган»

«Новая зямля»

«Сымон-музыка»

5.Падбярыце сінонімы да слова смутак:

весялосць

туга

адзінота

6.Адзначце, чаму так непрыветна ставіліся да Сымонкі яго бацькі і аднагодкі:

Ён быў гарэза, свавольнік.

Ён дрэнна вучыўся.

Ён быў не такі, як усе дзеці, меў незвычайны талент.

7.Адзначце, як аўтар ставіцца да свайго героя:

з недаверам

са спачуваннем

з любоўю

8.Адзначце, чаму Сымон палюбіў адзіноту:

Сымонка палюбіў адзіноту, бо напоўніў яе дзівоснымі вобразамі і з’явамі.

Сымон палюбіў адзіноту, бо яму не падабаліся шумныя гульні з аднагодкамі.

Сымон не любіў людзей і жывёл.

9.Адзначце, якія жыццёвыя ўрокі даў сваім чытачам Якуб Колас, расказаўшы пра жыццё Сымонкі:

Трэба быць больш уважлівым да людзей з чулай душой, з незвычайным светаўспрыманнем.

Трэба быць абыякавым да тых, хто таленавіты, чулы ад прыроды.

Трэба з пашанай ставіцца да таленавітых людзей, здольных перадаваць свае пачуцці іншым людзям у жывых вобразах, трапных выказваннях, гарманічных мелодыях, шматфарбных карцінах.

10.Адзначце радкі твора, якія ўказваюць на асаблівасці натуры Сымона:

У яго быў свет цікавы,
Свае вобразы, жыццё,
І ў душы яго ўсе з’явы
Сваё мелі адбіццё.

У яго вачах жывых
Думка нейкая блістала,
Утаропіцца, глядзіць,
І на губках смех, бывала,
Заблукае, задрыжыць…

Шнур жывы, загнуты крукам,
Ледзь чарнеецца ўгары,
І ўсё стада з смелым гукам
Журавель вядзе стары.