Дзеепрыслоўны зварот, знакі прыпынку
Меню
иконка учебника «Беларуская мова. 7 клас» (аўтары: Г.М. Валочка, В.У. Зелянко, С.А. Язерская), 2020 § 30
←
→

Ведаць:

  • што такое дзеепрыслоўны зварот
  • правілы пастаноўкі знакаў прыпынку пры дзеепрыслоўных зваротах

Умець:

  • вызначаць дзеепрыслоўныя звароты
  • выдзяляць знакамі прыпынку дзеепрыслоўныя звароты на пісьме

Дадатковыя
матэрыялы

1.Дзеепрыслоўе разам з залежнымі ад яго словамі ўтварае дзеепрыслоўны зварот.

2.На пісьме дзеепрыслоўныя звароты заўсёды выдзяляюцца коскамі, акрамя тых выпадкаў, калі яны з’яўляюцца фразеалагізмамі.

3.Дзеепрыслоўныя звароты, як і адзіночныя дзеепрыслоўі, у сказе могуць выконваць любую сінтаксічную ролю.

4.Адзначце сказы з дзеепрыслоўнымі зваротамі:

Я заплюшчыла вочы, ахінуўшыся цёплай коўдрай.
Мора па-ранейшаму глуха шумела, уздыхаючы пад дажджом.
Доўга малы Сцёпка сядзеў надзьмуўшыся.
Паснедаўшы, Волька з Міколам пабеглі ў школу.
Азірнуўшыся сярод зараснікаў, Мішка прыкмеціў сцежку.

5.Адзначце ўмовы, пры якіх адзіночныя дзеепрыслоўі і дзеепрыслоўныя звароты не выдзяляюцца коскамі:

калі адзіночнае дзеепрыслоўе стаіць у пачатку сказа;
калі адзіночнае дзеепрыслоўе стаіць у канцы сказа і адказвае на пытанне ЯК?
калі дзеепрыслоўе ўваходзіць у склад фразеалагізма.

6.Адзначце сказы, у якіх правільна стаяць коскі:

Янка цэлы дзень бегае, не еўшы.
У зорным небе ззяў срэбны месяц, заліваючы ўсё бледным святлом.
Бацькі непакоячыся за хворае дзіцё, не спалі ўсю ноч.
Зялёныя лісточкі, ледзь распусціўшыся, сталі скручвацца і ападаць.

7.Адзначце сказы, у якіх няправільна стаяць коскі:

Шапочучы коцяцца, хвалькі па беразе.
Ён пакруціў галавой, адганяючы сон, памаргаў вачамі.
Дзеці набегаліся за дзень і цяпер спяць, як пшаніцу прадаўшы.
Ранены ішоў, хістаючыся.

8.Адзначце сказы, у якіх трэба выдзеліць коскамі дзеепрыслоўны зварот (дзеепрыслоўе):

Працаваў Мікола спусціўшы рукавы.
Моўчкі распіхваючы рэчы па паліцах шафы я стараўся не думаць пра Алесю.
Прадаўшы пшаніцу стары вечарам вяртаўся дадому.
За сталом бацькі гаварылі жартуючы.

9.Застаўшыся адна жанчына села моцна задумаўшыся на лаўку.
Колькі косак трэба паставіць у прапанаваным сказе? (Адказ запішыце лікам)
Адказ:

Правільны адказ: 3