1.Вызначце сілу, якая дзейнічае на праваднік даўжынёй 15 см у магнітным полі, модуль індукцыі якога 0,4 Тл. Сіла току ў правадніку 8 А. Вугал паміж напрамкам току ў правадніку і вектарам магнітнай індукцыі роўны: а) 90°; б) 30°; в) 0°.

2.Праваднік масай 5 г і даўжынёй 0,1 м знаходзіцца ў аднародным магнітным полі, індукцыя якога 0,3 Тл. Праваднік размешчаны перпендыкулярна лініям магнітнай індукцыі. Якой павінна быць сіла току ў правадніку, каб сіла Ампера ўраўнаважыла сілу цяжару, якая дзейнічае на праваднік?

3.Праваднік даўжынёй 10 см, па якім ідзе ток сілай 15 А, размешчаны перпендыкулярна сілавым лініям аднароднага магнітнага поля з індукцыяй 0,50 Тл. Вызначце максімальную работу, якая адбываецца пры перамяшчэнні правадніка на адлегласць 20 см.

4.Стрыжань даўжынёй 20 см і масай 100 г ляжыць на стале. Каэфіцыент трэння паміж сталом і стрыжнем роўны 0,4. Сіла току ў стрыжні 8 А. Вызначце, пры якім значэнні магнітнай індукцыі стрыжань пачне слізгаць па стале, калі лініі магнітнай індукцыі накіраваны вертыкальна. Ці мае значэнне напрамак вектара магнітнайі індукцыі: вертыкальна ўверх ці вертыкальна ўніз?

5.У аднародным магнітным полі з індукцыяй 2,0 Тл рухаецца электрон са скорасцю 1 · 10⁷ м/с, накіраванай перпендыкулярна лініям магнітнай індукцыі. а) Чаму роўны модуль сілы F, якая дзейнічае на электрон з боку магнітнага поля? б) З якім па модулю паскарэннем будзе рухацца электрон у магнітным полі? в) Ці будзе змяняцца модуль скорасці электрона?

6.Электрон рухаецца ў аднародным магнітным полі, модуль індукцыі якога 0,05 Тл, перпендыкулярна лініям магнітнай індукцыі. Яго скорасць 1 · 10⁷ м/с. Знайдзіце час аднаго абарачэння (перыяду) электрона. Звярніце ўвагу: час поўнага абарачэння зараджанай часціцы ў магнітным полі не залежыць ні ад яе скорасці, ні ад радыуса акружнасці.